Вёска Валосавічы

Калісьці даўным-даўно, калі быў падзел царквы, у гэтых
мясцінах жылі ўніяты і на месцы вескі стаяў горад і
называўся ён Валосавічы. У горадзе было многа цэркваў,
брукаваная дарога ( яна засталася да сённяшніх дзён у
Клінавым лесе ), каплічка са святой вадой.
І, як расказваюць, людзі тут былі заклятыя, і таму аднаго
дня цэрквы пачалі правальвацца пад зямлю, і паступова
горада таго не стала. А зараз тут вёска Валосавічы.

Запісана са слоў Харлёнак Фрузы Мітрафанаўны, 1915г.н.


Вёска Губіна.
Адкуль пайшла назва вёскі Губіна? Мясцовыя жыхары
лічуць:
-- Гура па польску  гара, ці бярозавы лес, горы, грыбы.

Вёска Валова Гара

На гэтым месцы, дзе зараз вёска , была некалі пушча. І
рашылі капаць тут канал. Канал капалі катаржныя. Цяжка
было працаваць , землю адносілі ў мяшках. Калі скончылі
капаць, на гары, якую завуць П’янай, адзначалі гэту
падзею і дзеля гэтага быў зарэзаны вол. Ад гэтага і стала
гэта мясціна звацца Валовай Гарой. А могілкі тых
катаржнікаў і зараз ёсць.

Запісана ад Буртыля Рыгора Васільевіча , 1910г.н.

Назва “ Валовая Гара “ пайшла ад таго , што як капалі
канал, зямлю адвозілі на валах.

Запісана ад Крыцкага Міхаіла Іванавіча, 1928г.н.

Старыя людзі расказвалі , што як капалі канал , знайшлі
вала. Ад гэтага і назва такая “Валовая гара”.

Запісана ад Крыцкага Міхаіла Іванавіча , 1928 г.н .