Вёскі Юркоўшчына і Мацюшына Сцяна

Раней на месцы гэтых вёсак былі густыя, непраходныя
лясы. Мала людзей жыло тут, але і яны падвяргаліся
нападу плямён з захаду. Надакучыла тутэйшым жыхарам
цярпець знявагу і вырашылі яны засланіцца ад ворагаў
сценамі.Адну сцяну са свайго боку пабу – даваў чалавек,
якога звалі Юрка – адсюль назва Юркава Сцяна
ці Юркоўшчына.
З другога боку сцяну пабудаваў са сваёй сям’ёй чалавек
па прозвішчу Мацюш – і пайшла назва Мацюшына Сцяна.

Запісана са слоў Палонскага Арцема Маркавіча,1918г.н.,
і Касача Сцяпана Ціханавіча.,1920г.н.

Быў чалаве па імені Матюш, у страху жыў, баяўся, што
яго аграбяць і акружыў сябе сцяной, адсюда і пайшла
назва Матюшіна Сцяна.

Запісана са слоў Грахоўскага Івана Максімавіча,1.11.1997г.

Гэта дарога вяла іздаўна ішла праз веску на Полацк і тут
стаяў атрад ахраны какля дярэўні Матюшіна сцяна і
Юркава Сцяна. Назвалі па імені начальнікаў ахраны.

Вёска Весялова

Даўней жыў у гэтых мясцінах пан, і паслаў ён ганца аж у
Польшчу, каб той расказаў людзям як тут добра і весела
жыць.Людзі паверылі словам ганца аб тым, што ў гэтых
мясцінах пладародныя землі, добрыя пашы, кукпілі ў пана
Зацвеліхоўскага зямлю і прыехалі сюды. А прыехаўшы,
убачылі непраходныя балоты,лес. Палякі, хто быў
багацейшы, паехалі назад на радзіму, а хто бяднейшы -
засталіся тут і пачалі раскарчоўваць лес, будаваць хаты,
засяваць палі. А між сабой людзі гаварылі:
“ Вось павясяліў нас пан! “
Адгэтуль і пайшла назва вёскі – Весялова.

Запісана са слоў Стажыка Вітальда Васільевіча 1997 г