Вёска Чарніцы

Было гэта даўно.Быў у нас такі пан Іваноў,памешчык
расійскі.Быў ён палкоўнікам царскім і меў маёнтак у
Слабадзе.Валодаў многімі землямі і лясамі,азёры ў яго
былі.Завез пан у азёры заморскія сарты рыб і паслаў
слуг глядзець за возерам.Прыехалі чатыры сям’і і
пасяліліся каля возера ў лесе.А ў лесе было многа ягад
чарніц.І назвалі веску Чарніца.           

Запісаў Галаўко С.А. ад Сімака Максіма Аляксандравіча.
Запіс зроблены ў 1983 годзе ў весцы Чарніца.

Вёска Абярцы

Першая назва іх была-беркаўцы.Беркаўцы,напэўна ад
беркавец-гэта мера сена,10 пудоў. А перайначылі ў
Абярцы чаго не ведаю.

Запісаў Барташэвіч Г.А. ад Мацкевіч Н.А., вёска Пышна.

Вёска Дзяньгубы

Некалі па гэтых месцах ехаў пан і згубіў тут грошы
.Шукаў,шукаў іх і не знайшоў. З тых часоў і пачало гэта
месца, вёска называцца Дзяньгубы ад слоў “дзяньгу згубіў”.

Запісана ад Маляўка Агаты Паўлаўны, 1906 г.н.

Вёска Ворань

Некалі тут быў пан, дужо злы, няветлівы быў чалавек,
празвалі яго Воранам, а усіх яго людзей – варанятамі.
З таго часу і завецца гэтая вёска Воранню.

Запісана са слоў
Аляксандровіча Данілы Трафі мавіча, 1889 г.н.